Тимот на Проект на УСАИД за инклузија на Ромите на 23 јуни 2021, оствари средба со градоначалникот на општина Виница г-инот Ивица Димитров. На оваа средба беше презентиран проектот на УСАИД и се истакнаа целите и планираните активностите на проектот.

Општина Виница е отворена за соработка со невладините организации и веќе спроведува неколку проекти насочени кон Ромската заедница. Во рамките на проектот, градоначалникот ја истакна неговата заложба за соработка и потпишување на меморандум за дефинирање на взаемните точки од интерес и активности за поддршка на Ромската заедница во Виница.

Тимот на Проектот на УСАИД за инклузија на Ромите на 23 јуни 2021 година одржа средба со градоначалникот на општина Куманово г-дин Максим Димитриевски. На оваа средба се разговараше за ситуацијата на Ромите во Куманово, беа презентирани тековните проекти на Ромалитико и се истакнаа целите и активностите на проектот. 

Општина Куманово е отворена за соработка и унапредување на животот на Ромската заедница и во натамошниот период ќе се пристапи кон потпишување на меморанудм со цел продлабочување на институционалната соработка.

Во рамките на втората фаза на РОМАКТЕД програмата националниот тим за поддршка на РОМАКТЕД II програмата „Промовирање на добро управување и зајакнување на Ромите на локално ниво“ денес на 23 јуни 2021 одржа информативна средба со Градоначалникот на општина Струмица, Коста Јаневски. 

На средбата накратко беа презентирани целите на оваа програма но исто така беше потенцирано дека РОМАКТЕД програмата е поддршка на локалните власти да ги интегрираат специфичните активности/мерки за Ромите во главните локални политики, акционите планови поврзани со овие политики, буџетите и испораката на јавни услуги, со што ќе се зајакне демократското учество и зајакнување на локалната ромска заедница.

Градоначалникот Јаневски го истакна задоволството што општина Струмица продолжува со имплементацијата и на оваа фаза, воедно ја  истакна неговата поддршка и подготвеноста на општинската администрација да биде активен дел и партнер во процесот на имплементација на РОМАКТЕД II програмата заедно со тимиот за поддршка (Програмската канцеларија на Советот на Европа во Скопје и Институтот за инстражување и анализа на политики- Ромалитико од Скопје). 

РОМАКТЕД II програмата „Промовирање на добро управување и зајакнување на Ромите на локално ниво“ започна да се имплементира во јануари 2021 и ќе трае до декември 2024, а истата е финансирана од Европската Унија и Советот на Европа и имплементирана од Советот на Европа.

Националниот тим за поддршка на РОМАКТЕД II програмата составен од програмската канцеларија на Советот на Европа во Скопје како и Институтот за истражување и анализа на политиките – Ромалитико. денес, на 22 јуни 2021 во рамки на втората фаза на РОМАКТЕД програмата „Промовирање на добро управување и зајакнување на Ромите на локално ниво“ оджаа информативни средби со општините Прилеп и Велес. 

На средбите учествуваа градоначалникот Аце Коцевски и претставници од локалната администрација на општина Прилеп.  

Тимот за поддршка на имплементацијата на оваа програма ги информираа учесниците на средбите за концептот и целите на втората фаза на РОМАКТЕД програмата. На средбата беше истакнато дека втората фаза на РОМАКТЕД програмата е поддршка на локалните власти да ги интегрираат специфичните активности/мерки за Ромите во главните локални политики, акционите планови поврзани со овие политики, буџетите и испораката на јавни услуги, со што ќе се зајакне демократското учество и зајакнување на локалната ромска заедница. 

Покрај воведот во втората фаза на РОМАКТЕД програмата со градоначалниците беа дискутирани можностите и структурите за подобра координација и имплементација на програмата. 

На средбата во Велес, градоначалникот Коцевски даде краток осврт на реализираните активности во рамки на тековните проекти кои општината ги спроведува во партнерство со други организации и донатори како и краток осврт на реализирани активности во рамки на програмата за работа на оваа општина. 

Главниот фокус на овие средби беше истакната поддршката и подготвеноста на градоначалниците и општинската администрација на Прилеп и Велес за непречена и ефективна имплементација на РОМАКТЕД II програмата. 

РОМАКТЕД II програмата „Промовирање на добро управување и зајакнување на Ромите на локално ниво“ која е  финансирана од Европската Унија и Советот на Европа и имплементирана од Советот на Европа започна да се имплементира во јануари 2021 и ќе трае до декември 2024.